ကုလသမဂ္ဂ၊ စက်တင်ဘာ-၅-၂၀၂၄
မျိုးဆက်(VOM)
မြန်မာနိုင်ငံမှာ လက်နက်ကိုင်ပဋိပက္ခတွေ ပြင်းထန်လာတာနဲ့အမျှ မြန်မာပြည်သူ သုံးပုံတပုံဟာ လူသားချင်းစာနမှုဆိုင်ရာ အကူအညီတွေ လိုအပ်နေကြောင်း ကုလသမဂ္ဂက ပြောပါတယ်။
ပြီးခဲ့တဲ့ ဇူလိုင်လကစပြီး တနှစ်တာအတွင်း မြန်မာနိုင်ငံရဲ့ လူ့အခွင့်အရေးအခြေအနေတွေနဲ့ ပတ်သက်ပြီး ကုလသမဂ္ဂက ပြီးခဲ့တဲ့နေ့က ထုတ်ပြန်ရာမှာ အခုလို သတိပေးထားတာဖြစ်ပါတယ်။
နိုင်ငံတဝန်းမှာ ရွှေ့ပြောင်းနေထိုင်မှုနဲ့ စားနပ်ရိက္ခာမလုံခြုံမှု ပိုမိုဆိုးရွားစေတဲ့ ပြင်းထန်တဲ့ ပဋိပက္ခတွေကြောင့် လူသားချင်းစာနာမှုဆိုင်ရာ လိုအပ်ချက်တွေလည်း မြင့်မားလာတယ်လို့ ဆိုပါတယ်။
မြန်မာနိုင်ငံ လူဦးရေရဲ့ သုံးပုံတပုံ သို့မဟုတ် ပြည်သူ ၁၈ ဒသမ ၆ သန်းကျော်ဟာ လူသားချင်းစာနာမှုဆိုင်ရာ အကူအညီတွေ လိုအပ်နေပြီး သူတို့ထဲက ၅ ဒသမ ၃ သန်းဟာ အရေးပေါ်အကူအညီ လိုအပ်နေသူတွေလို့ ကုလသမဂ္ဂရဲ့ အစီရင်ခံစာမှာ ဖော်ပြထားပါတယ်။
ဒီအကျပ်အတည်းကို တုံ့ပြန်ဖို့ မြန်မာနိုင်ငံမှာ ရန်ပုံငွေပြတ်လပ်မှုနဲ့ အရေးပေါ် သိုလှောင်စီမံခန့်ခွဲမှုတွေ ခမ်းခြောက်နေပြီး နိုင်ငံတကာအသိုင်းအဝိုင်းအနေနဲ့ လူသားချင်းစာနာမှုဆိုင်ရာ အကူအညီတွေပေးကြဖို့ ကုလသမဂ္ဂက တိုက်တွန်းထားပါတယ်။
လက်ရှိမှာတော့ ရှမ်းပြည်နယ်၊ ကချင်ပြည်နယ်နဲ့ ရခိုင်ပြည်နယ်အပါအဝင် နိုင်ငံဒေသအတော်များများမှာ တိုင်းရင်းသား လက်နက်ကိုင်အဖွဲ့တွေ၊ ဒေသတွင်းလက်နက်ကိုင် ပူးပေါင်းအဖွဲ့တွေနဲ့ နစကတပ်တွေအကြား တိုက်ပွဲတွေ ဆက်လက်ပြင်းထန်နေပါတယ်။
Ref:NHK
Photo:CJ
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...